Umlando wakwa Mvelase 😍 imvelaphi yakwa Mthembu
Isizwe sabaThembu sidatshulwa uMangqoyima owayeganwe isithembu esadala izindlu ezimbili ezagqama kakhulu emlandweni. Indlu enkulu AbakwaMthembu kuthi encane abakwaMvelase kodwa lezizindlu kazibulahlanga ubuhlobo njengoba izithakazelo zabo zinye futhi kabaganiselani nhlobo.
AbasebaThenjini bangamaNtungwa nguni babakhelene namaChunu noMabaso. UMANGQOYIMA nguyena ongumsuka waseBathenjini owahola abantu bakhe baze bayovinjwa ulwandle bazinza eNseleni besuka enhla koNtalasifani. Phela amaNtungwa – Nguni kuseyinzalo kaMatalatala ( Dlamini 1 ) noma nje bazehlukanisa ngokwezigaba abeNguni kodwa bayindlu eyodwa kaMumbo kaNguni waseBantwini maphakathi nezwekazi.
UMANGQOYIMA wakhe umuzi okwathiwa kuseNhlangwini khona eNseleni. Kulapho kwakhulelala khona uGeze obeyinkosana yakwaMthembu endlini enkulu. Kuleyodawo kulapho abaThembu bahlaselwa uDingiswayo wakwaMthethwa babebuswa uJama kaMnisi, ekukhothameni kuka Jama kaMnisi ubukhosi babaThembu bashabalala babusa njengezinduna zika Dingiswayo. Base beholwa uNdima kaMnisi omunye umfowabo Jama.
Ukwelamana kwaba Thembu;
UMangqiyima uzale
UGeze owazala
ULushozi owazala
UNdaba noMlenze
UNdaba wazala
UMnisiwemvula owazala
UJama noNdima
UNdima wazala
UVico,uSondaba kanye noMangcikivana
USondaba wazala
USiyembeyembe
UJama kaMnisi wazala
UMahawana noSojabha
UMahawana wazala
UMmangaliso owazala
ULOKOTHWAYO
USojabha wazala
UMashobane owazala
UFunwayo
UMlenze kaLushozi wazala
UBhacile owazala
USikhala owazala
USomopho owazala
UMsiyana.
Indlu encane abakwaMvelase:
uMangqiyima wazala
uNyandeni owazala
uMvelase owazala
uGazi owazala
UMkhubukeli owazala
UNgoza owazala uMnhlakomuzi noNodada
UNodada wazala
UMganu owazala
UMabizela noNgqamuzana
UMabizela wazala
UKufakwezwe noZisulu
KwaMvelase kwaduma kakhulu uNgoza kaMkhubukeli owalwa noShaka kodwa wehlulwa wase ebalekela eKoloni nabantu bakhe.
Kubese kuba nezindlu eziyisende likaNgoza eKoloni okuvalwa kuzo nazi;
Mathanzima
Dalindyebo
Mandela
Nezinye ezingingi.
Izithakazelo zako Mvelase:
Mvelase
Qhudeni
Mvelase kaGuqa
Owavela enyandeni yemikhonto yakwaMabaso
Mnisi wemvula ilanga libalele
Nina basemlamankunzi
Nina eningawadli amathibani nawadla kobe iwile.
Ngoza kaMkhubukeli.
Izithakazelo zako Mthembu:
Mthembu
Mvelase
Qhudeni Mvelase
Ndaba
Jama kaMnisi
Mthembu waseGubase
Wena owavela enyandeni!
Nina eningawadli amathibani
Nina basemlamankunzi
Ngoza kaMkhubukeli kaGazi
Mdu Mthembu
Kusho ukuth mina ngiwela kwindlu yiphi?
Vusi Mthembu
Ngiyadideka manje ukuthi uMvelase uzalwa uNyandeni ekubeni wavela enyandeni yemikhonto yakwaMabaso okungaziwa kuthi wayemthathephi
Nombuyiselo Madlongolwana
Mina ngingu Mthembu owavele nyandeni ,ngicela ukwazi ukuthi uMadlongolwana yena ubezalwa ngubabi ngoba yi fani yami
Mnisi Mthembu
Amen Kade ngifunda ngomlando owubhalile ngo Mthembu from 2019 ngike ngagula kakhulu kodwa ngihayiza wathi lomuntu ungu Mthembu as igama. Kuningi angitshele khona ngo mlando wase Bathenjini komalume wathi asihlangani no Mvelase ngoba u Nyandeni walethwa kwa Mthembu ngu Mabaso emthathe kwa Dlamini.
Umlando wakwa Mthembu wonakala lapho
Aphiwe Mthembu
Wow interesting and nice history
Jabulani Mthembu
Jabulani Mthembu
Mina ngizalwa kwaMthembu kwaHlazakazi, umuzi wakithi wake ngaphansi kwezintaba uHlazakazi, eduze newa uNdingiza njengoba nezibongo zisho” ujel’ophume kuNdingiza abanikazi bendingiza basala bevungama”. Ngenhla kwasekhaya kunesiphethu esibizwa ngoNgoza esingashi ubusika nehlobo. Lesiphethu isona esiphakela umphakathi wakwaHlazakazi ngamanzi. Eduze nalesiphethu kunamanxiwa nawo abizwa ngokuthi kukwaNgoza. Engifisa ukukwazi ngabe lamanxiwa ayahlangana yini neNkosi yethu uNgoza. Mina ukhokho wami u Siyaka ozala umkhulu u Shiloni, uMabhadi alishumi. Kuthiwa imvelaphiyalomuzi waqhamuka eMsinga.