Machaba Surname
Ke Machaba le moraba, mokwaditla mosukhu o nyaka morodi, Machaba ke tswetla la poo morwa Mmalegodi, Ga ke etše phiri masepela ka go bobola,Ke yena Machaba le moraba, mokwaditla mosukhu o nyaka mongweTša makhura di a nyakana, Wa kgopa ye e kilego ya fala Mmaleswana,Tshwene la Mmatšhongwane, Botokela ba sa tswala diphororoKe yena Sekwatlo Mohlamme a Rabjala ‘a Machaba, a tshukudu, nteseng ke fete,Ge le sa lese nna ka feta, le hlola dillo, Le hlolela bomma lena go phalolwa,Le hlolela bo mma lena go apara ditete.
Mmamoraba weee !
Iuu hwa hwahwaaa!
Bana bešu, bana ba mmamoraba, segagešo se re kgomo ga enye boloko ka moka.
Ke tla šiela lena batau go feleletša. Ke Lehaiwa la ga Machaba, tšhiwana a’ Mampotla ‘a Maphoroko !