Category: Tinanatelo Page 3 of 7

Malinga!
Mcusi wendlunkhul!
Lodl’ acakatsise phas’ enkhaba.
Gumakhulu!

Lutsala.
Mngomakati.
Mancele.
Khombelwako.
Mavutfwel’ ekhatsi njengelihwaba.

Mkhwanati.
Shiba.
Mkhwanati loluhlata njengencoshane.
Wena lowadla dzadzewenu watsi akanamhlehlo akanangati.
Bushashati belitulu leladvuma kabi
Lidvumela bafana bekwelusa,
Nkhomo lelele kabi
Ilele ngencebeni ngoba idzinga baguculi.
Mabuya wetindlovu.

Madvonsela.
Mtimandze.
Bhambo lunye,
Tingaba timbili tafuta ekhabonyoko
Masango makhulu, newebantfu newetinkomo.
Nine lenawela umfula ngekuhlehlela emuva.
Nine lenadvuba nafika kaZulu natsi kunene kwelive.
Madvonsela lolobola ngelijazi ebulandzeni
Lophaca njengelilanga.
Nine baMalambule.
Lokwatsi Malambule abanga naMswati.
Natsi Malambule embili.

Mntfungwa loluhlata njengencoshane.
Mbulazi loluhlata.
Labatsi badl’ umuntfu
Bebamyenga ngendzaba!
Labadla timfe letimbili kepha
Likhambi laphuma lilinye!
Mzilikazi waMashobane!
Mabaso lowabas’ entsabeni
Kwadliwa lishona lilanga.
Sawela!
Nkhomo tavula incaba ngetimphondvo
kulaseNgome.
Bheje.
Lowabhej’ eNgome kwabonakala.
Labala kudl’ umlente kaBulawayo!

Ndlondlo.
Bashise.
Mabuya lowabuya naseMgangadza.
Ndlondlo leyadla bulongo yalibala.
Guliwe.
Gasa waSiwela.

Lutsala.
Mngomakati.
Mancele.
Khombelwako.
Mavutfwel’ ekhatsi njengelihwaba.

Tfwala.
Lukhambule.
Mnyamandze.
Tfwala leMtimkhulu.
Lukhambule.
Wena loluhlata njengencoshane.
Wena wakaLaSiwela naboNgwaca.
Khandzelakati.
Wena wadla umkadzadzewenu,
Watsi akananyongo akanamhlehlo.

Zikodze.
Phangakufa.
Lindzamkhonto.
Dzindza singeva.
Wena weNyati yaMswati.
Wena waMaphangela,
Lowaphangela tinkhomo temadvodza.

Mgilija.
Mgcwango lomhlophe netinyawo takhe tekunyatsela.
Nyangandvuna.
Mahluzu lowaphalala emazubukweni.
Ngubo yengwe, yengwenyama.
Wena wanonela ekhatsi njengendlati.