Izithakazelo zakwa Lembede
Ndima,
Bayeni,
Sibhuzi esimqala!
Month: April 2011 Page 10 of 21
Linda Clan Names
Magidi
Zimase
Cebekhulu,
Mbhekane,
Mshayisa
Dephuza
Mafu kawalingani nawaseNtshengeko ngoba awaseNtsheko angubongubo. Macansi agcwele izindonga. Mhashaza KaNgwadla ka Thambo lanyoka lihlaba elimzondayo ungezwa bethi yedlulela phambili kanti bakugodlele imikhonto. Oye ezansi wabuyelela wathi kwa Zimase akusavalwa ngamvalo sekuvalwa ngamakhanda amadoda. Nsele Ka Linda Mkhonto ngimele Ngisalande ezami eZungeni.
Izithakazelo zakwa Lamula
Zinyane,
Mthembu!
Izithakazelo zakwa Kubheka
- Kubheka,
- Khathide,
- Masobode,
- Wena owasobodela udlubu nokhasi,
- Mgwaqo awedlul’esibayeni, ngoba kuvalwe ngamakhanda amadoda,
- Mbend’ebomvu enjengetolwane,
- Boya obuningi obungangenyathi,
- Mbokod’ebomvu kaMagayiza esunduza abeSuthu namaNdebele,
- Sicabha esihle esakhothwa izinyoni zakwaKhathide,
- Sombheshane,
- Makhunga, wena owakhunga izimbila emgedeni, zaphuma zingenamisila,
- Nanamuhla azinawo umsila ngesimanga sikaMaKhunga,
- Ndolwane,
- Magonondo!
Izithakazelo zakwa Khuzwayo
Izithakazelo zakwa Khumbuza
- Khumbuza,
- Ndosi,
- Nombedu,
- Nkomo kayivuswa,
- Nkom’isengwa ilele,
- Wayisenga imile iyakhahlela,
- Squnga esihle esingahlalwa nyoni,
- Siqunga esizalela amasakabula
- Mkhokheleli owakhokhela isizwe ekugqilazweni,
- Dubandlela!
- Vico akagezanga,
- Obuye nensil’emfuleni,
- Ngob’ethembe ukugeza ngobisi,
- Magaye ongangolwandle!