Izithakazelo zakwa-Mabuza
Ludonga,
Sidwaba siluthuli,
Mshengu!
Month: April 2011 Page 9 of 21
Izithakazelo zakwa-Mabuyakhulu
Ndiyema,
Mlando kawulandwa,
Mdotshana!
Izithakazelo zakwa-Mabaso
Mntungwa,
Mbulaz’omnyama,
Nina bakaBhej’ eseNgome,
Nin’ enadl’umuntu nimyenga ngendaba,
Nin’ enadl’ izimf’ezimbili ikhambi laphuma lilinye,
Lobengula kaMzilikazi,
Mzilikazi kaMashobana,
Shobana noGasa kaZikode,
Zikode kaMkhatshwa,
Okhatshwe ngezind’ izinyawo nangezimfushanyana,
UMkhatshwa wawoZimangele,
UNyama yentini yawoZimangele
Mabaso owabas’ entabeni kwadliwa ilanga lishona,
BaNtungw’ abancwaba,
Zindlovu ezibantu,
Zindlovu ezimacocombela,
Nin’ abakwaMawela owawel’ iZambezi ngezikhali,
Nin’ abakwaNkomo zavul’ inqaba,
Zavul’ inqaba ngezimpondo kwelaseNgome zahamba,
Nin’ enalukudl’ umlenze kwaBulawayo,
Mantungwa Aluhlaza,
Mantungwa Amahle,
Bantwana benkosi,
Nin’ abakwaNtokela,
Inkubele abayihlabe ngamanxeba,
Abakhule ngezinyawo ezimfishanyana nezimaqhukulwana,
Inyang’ abathe beth’ ifil’ uZulu kanti isiyetheswe,
Yetheswe ngoNyakana kaMpeyana,
UBando abalubande balushiy’ uZulu,
UNtshwintshwintshwi kaNoyanda noNdaba,
UNkone evele ngobus’ emdibini,
Ndabezitha!
Maqhaw’ amakhulu!
Izithakazelo zakwa Luthuli 👑
- Luthuli,
- Mshibe,
- Madlanduna,
- Abadl’insikazi belambile,
- Ngoze ngikwenze owangenza khona,
- Nina eningawadl’amasi ningawanikiwe,
- Nesab’amas’ehla ngendololwane,
- Nina bakwaMashiza,
- Ndlwan’enhle,
- Sigencagenca mbaz’ebukhali,
- Malal’aqhamuke ngezansi,
- Zingwazi ezidla inyama abanye bedl’inyamazane,
- Mavel’enkomeni abanye bevel’ebantwini,
- Luthuli lwezinkomo,
- Mshibe kaNonopha,
- Mshibe kaMakhiph’inj’efukwini kuzalele yena,
- Donda! 🙌🏾🙌🏾
Izithakazelo zakwa Lushozi
Gcwensa,
Ndimande, Mzulwini,
Bhebhula!
Imvelaphi yesibongo by Nontanda Shozi
Angibingelele bakwethu nami ngizosika elijikayo ngengakhula ngakuzwa. Mina ngingu Shozi Gidela. Isibongo sethu esikhulu uHlongwa bese ziza nezinye. Abantu baka Mnganga baphuma ka Hlongwa ngamafishane nje bazalwa khona. Njengoba bebizwa ngo Shozi bazalwa indoda ogama layo kungu Langa waka hlongwa.
Bathe o-shozi sebesebenzisa uShozi njengesbongo kwaba nokuhlukana baphuma oMnganga baba Ushozi Mnganga. basala laba abanye bewu Shozi Gidela ohambisana no Gabhisa, Khawula, Hlongwa, Mbasha, Omtumaseli. Athe uma ephuma Ama Nganga aqamba ezawo izithakazelo o Mthiya, Ndawombi kanjalo. Ungakhohlwa bonke labantu abaka Hlongwa.
Amanganga athola ubukhosi bawo ahamba aze ayofika eMarianhill ka Ndengezi. Ohlongwa, Gabhisa,Khawula,Gidela bona bagudla baze bayofika Ko Mkhomazi,Mthwalume,Portshepstone,Mzinto. Yebo abanye bethu ngokungazi banokuphika abanye bathi akubona abakubo imvelaphi yethu yinye nje.